Vereinsusflog 2026

Am letschte Wocheend hend mer en unvergässleche Vereinsusflog dörfe erläbe. Scho am Fritig semmer voller Vorfreud under em Motto „Ballermann“ losgfahre. Mit gueter Musik, super Stimmig ond ganz vell Lache hed s’Wocheend genau so agfange, wie mer sech das wönscht.

Am Samschtig esch’s denn wiitergange a d’Wasn, wo mer zäme en riise Party gha hend. D’Stimmig esch mega gse, mer hend vell glacht ond eifach e rechtig gueti Ziit metenand gha, das bliibt üs allne no lang i Erennerig.

Es riesigs Dankeschön goht a die drüü Fraue met em Pfiil uf em Chopf ;), wo dä hammer Usflog organisiert hend. Ehr hend das eifach super gmacht.

Mer freue üs jetzt scho ufs nöchscht gemeinsame Abentüür!