41. Generalversammlung

Das Johr dörffe mer zwöii neui Hamborger willkomme heisse! Do mer kei Ustrett gha hend starte mer somit met 35 Metgleder is neue Vereinsjohr.

Im Vorstand heds allerdings en Wechsel ghä; Noch drüü tolle Johr hed de Patrick (Asi) Isenschmid s'Ämtli als Tampi abghä - mer danked der riisig för dine Isatz! Neu werd das Ämtli de Manuel Keller öbernäh.

Neu ehre mer au de Hamborger des Jahres und de Ämmeruugger des Jahres. Die beide Uszeichnige gönd ah Salome (Hamborger) und de Gusto (aktiv Metgled). Die beide hend im letschte Johr onglaublech vell Herzbluet i Verein gesteckt - sie send immer aktiv ah de Termine debi gseh oder hend au im Rüümlibau en wertvolle Bitrag gleistet, Danke üch!

Mer freued üs ufnes wiiter tolls Johr!

Ämmeruugger werde?

Wetsch au du Ämmeruugger werde denn meld dech bimne Aktivmetgled oder onder praesident@aemmeruugger-mauters.ch. Mer freued üs uf dini Bewerbig!

Fotitermin 2025

Am 01. Februar hend mer döffe im Verkehrshaus im Planetarium döffe gho Fötele. Mettem neue Motto Planet ÄRM. Am 6i am morge hend mer Ahgfange schmenke ond mer wördet säge es hed sech glohnt. Tolli Fötelis heds ghä ond vor allem eh tolli Erfahrig gseh à la allein im Museum.

Credit: Verkehrshaus der Schweiz, EUCLID Consortium