Merci vöu mou

06.03.2020


Danke, danke, danke, danke för die mega, super, warmi, wonderschöni, roti Fasnacht 2020.

Danke i aune Häufer, Gönner, Fans, Ehemalige, Nöie Hamborger wo üs i ergendwelchere Form onderstözt hend! Ehr send de födliblotii Wahnsenn!

Danke i aune Bsuecher vo de Iruuggete, wo üses Fäscht zo dem gmacht hend was es es gseh esch. Nähmlech es super Fäscht i üsem Dorfchärn!

Danke i aune Guuggemusige wo be üs gspöut hend a de Iruuggete ond notürlech ou i dene wo üs igladt hend zom go spele ond fäschte.
Danke i mine 24 andere aktive Ämmeruugger! Dör öich hemmer eso geili Fasnacht zäme döffe erläbe. Wäg öich esch dä Verein was är esch. Nähmlech e absolut geniale Huufe vou agfrässne Fasnächtler. Eso machts Fröid e Ämmeruugger döffe zsie!!!

Danke, danke, danke, danke ond ned vergässe: Noch de Fasnacht esch vor de Fasnacht!